سياسة الخصوصية لأبلكيشن بونو

آخر تحديث: 10 نوفمبر 2026

بونو بيساعدك تجمع دخلك ومدخراتك والتزاماتك ومستنداتك في مكان واحد، ويفكّرك بمواعيدك، ويساعدك في حساباتك. بونو ما بيجمعش بياناتك. الصفحة دي بتوضّح بالظبط إيه اللي بيحصل لكل معلومة.

1. بياناتك على موبايلك إنت بس

كل اللي بتكتبه في بونو، زي الدخل والمدخرات والالتزامات والأقساط والعمليات واسمك والأسعار اللي بتكتبها، متخزّن على موبايلك بس، جوه ملفات الأبلكيشن الخاصة.
مفيش حساب ولا تسجيل دخول، ومش بنطلب منك إيميل ولا رقم موبايل. حتى المحافظ الإلكترونية (فودافون كاش وغيرها) بنسجّل رصيدها بس، من غير رقم الموبايل ولا الرقم السري.
"تحليلات" و"بونو بيقولك" حسابات لفلوسك إنت، زي فلوسك راحت فين والملاحظات والنصايح، وبتتعمل على موبايلك من البيانات اللي عليه. مش بتتبعت لأي حد، ومش تتبّع لاستخدامك للأبلكيشن.
إحنا، أصحاب بونو، ما نقدرش نشوف أي حاجة من بياناتك، لأنها مش بتوصلنا أصلًا.

2. مستنداتي

صور المستندات والسكان والأرقام اللي بتكتبها معاها، زي الرقم القومي ورقم الباسبور، متخزّنة على موبايلك بس.
مش بتدخل في أي نسخة احتياطية أوتوماتيك، ولا بتطلع من الموبايل غير لما إنت تدوس "ابعت المستند" وتختار الأبلكيشن اللي تبعت بيه، زي واتساب أو الإيميل.
قسم مستنداتي بيتفتح بقفل موبايلك: البصمة، أو الوش، أو الرقم السري. بونو بيعرف بس إذا كان الفتح نجح ولا لأ، ومش بيشوف بصمتك ولا رقمك السري.
تقدر تربط مستند بحاجة جوه بونو، زي عقد الإيجار أو إيصال قسط أو صورة شيك. الربط ده متسجّل على موبايلك بس، والمستند بيفضل في مستنداتي بنفس القفل.
السكان بيتعمل بأداة جوجل (ML Kit Document Scanner) على موبايلك نفسه، والصور مش بتترفع لجوجل ولا لينا. خدمات جوجل على الموبايل ممكن تبعت لجوجل إحصائيات عامة عن استخدام أداة السكان، من غير الصور.

3. النسخ الاحتياطية

نسخة أندرويد الاحتياطية: أندرويد بيعمل نسخة احتياطية من بيانات بونو، من غير المستندات، على حساب جوجل درايف بتاعك إنت، عشان ترجعلك لو غيّرت موبايلك. من أندرويد 9، النسخة دي متشفّرة بقفل موبايلك، وتقدر تقفلها من إعدادات الموبايل.
النسخة الاحتياطية اليدوية: لو عملت "نسخة احتياطية" من خدمات، بونو بيعملك ملف وإنت اللي بتختار تحفظه فين. إحنا مش بنستلمه.

4. الاشتراك

الاشتراك والدفع بيتم عن طريق Google Play. جوجل هي اللي عندها بيانات الدفع بتاعتك، وإحنا ما بنشوفهاش.
بنستخدم خدمة RevenueCat عشان نعرف إذا كان فيه اشتراك شغّال. RevenueCat بيعرف موبايلك برقم عشوائي، مش باسمك ولا إيميلك، وبيعرف سجل الاشتراك (تاريخه ونوعه وسعره) ومعلومات عامة عن الجهاز ونسخة الأبلكيشن. ومش بيوصله أي حاجة من بياناتك جوه بونو. سياسة خصوصية RevenueCat
إحنا بنشوف أعداد المشتركين والفلوس، من غير ما نعرف مين هما.

5. أسعار العملات والدهب

بونو بيجيب أسعار العملات والدهب من سيرفر بونو. الطلب ده مفيهوش أي معلومة عنك، والسيرفر بيدّي نفس الأسعار لكل الناس.
السيرفر بتاعنا هو اللي بيجيب الأسعار من مصادرها (ExchangeRate-API وGold-API)، فموبايلك مش بيكلّمهم.
زي أي موقع على الإنترنت، شبكة جوجل كلاود اللي عليها السيرفر ممكن تشوف عنوان الـ IP وقت الطلب. إحنا مش بنسجّله ولا بنستخدمه.
بونو ما بيعرضش أسعار أسهم. لينك "شوف سعر الإقفال" بيفتح موقع البورصة المصرية في المتصفح، واللي بيحصل هناك بتحكمه سياسة البورصة.

6. زرار "ادفع" وتطبيقات الدفع

لما تدوس "ادفع" على التزام، بونو بينسخ رقم العميل أو المبلغ في الحافظة بتاعة موبايلك، ويفتح تطبيق الدفع اللي إنت اخترته، زي إنستاباي أو فوري أو تطبيق البنك. إنت اللي بتدفع جوه التطبيق ده. بونو ما بيدفعش، وما بيكتبش حاجة هناك، وما بيبعتلوش أي بيانات.
عشان يوريك تطبيقات الدفع اللي عندك تختار منها، ويعرف يفتح التطبيق ولا صفحته على Google Play، أندرويد بيسمح لبونو يعرف إذا كانت تطبيقات الدفع اللي في القايمة بس متسطّبة على موبايلك. المعلومة دي ما بتتسجّلش ولا بتطلع من الموبايل. التطبيق اللي بتختاره بيتحفظ مع الالتزام على موبايلك.
بعد ما ترجع، بونو بيسألك "دفعت؟" ودفعت إزاي، والإجابة بتتسجّل على موبايلك بس.

7. الصلاحيات اللي بيطلبها بونو

الإنترنت: للأسعار والاشتراك.
الإشعارات: لتذكيرك بمواعيد الأقساط والقروض والفواتير والشيكات وسداد البطاقات وانتهاء الشهادات والمستندات ونزول الدخل، وبملاحظات بونو وملخص الأسبوع. كلها بيعملها موبايلك نفسه من البيانات اللي عليه، من غير سيرفر، وكل نوع ليه زرار يقفله من بياناتي.
الاهتزاز: اهتزازة خفيفة لما تدوس على حاجة، وتقدر تقفلها من بياناتي.
البصمة: لقفل مستنداتي.
بونو ما بيطلبش الكاميرا، لأن السكان بيتعمل عن طريق خدمات جوجل. وما بيطلبش كمان الصور والملفات، ولا الموقع، ولا جهات الاتصال، ولا الميكروفون.

8. مفيش إعلانات ولا تتبّع

بونو مفيهوش إعلانات، ولا أدوات إحصائيات استخدام، ولا تقارير أعطال بتبعت بيانات. ومش بنبيع أو نشارك أي بيانات مع حد. (كارت "تحليلات" جوه بونو هو حسابات لفلوسك على موبايلك، مش إحصائيات عن استخدامك.)

9. مسح بياناتك

Deleting your data (English)

بيانات بونو على موبايلك: إنت اللي بتمسحها بنفسك، ومش محتاج تطلب من حد.

افتح بونو ← الخدمات ← امسح كل حاجة ← أكّد مرتين. بيتمسح كل اللي في بونو: الدخل والمدخرات والالتزامات والحركات واسمك ومستنداتك وتذكيراتها.
أو امسح الأبلكيشن من الموبايل، وأندرويد هيمسح كل ملفاته.
النسخة الاحتياطية اللي أندرويد عملها على جوجل درايف بتاعك (من غير المستندات) تقدر تمسحها من جوجل درايف ← النسخ الاحتياطية، أو من إعدادات حسابك على جوجل.

سجل الاشتراك عند RevenueCat: ده الحاجة الوحيدة اللي بره موبايلك، وهو رقم عشوائي للجهاز وتاريخ الاشتراك ونوعه وسعره، من غير اسمك ولا إيميلك. عشان نمسحه:

ابعت إيميل على ponoapp.support@gmail.com بعنوان "مسح بيانات بونو".
اكتب فيه رقم الطلب بتاع الاشتراك من إيصال Google Play (بيبدأ بـ GPA.)، عشان نعرف نوصل للسجل من غير ما نعرف إنت مين.
هنمسح السجل خلال 30 يوم ونرد عليك.

Google Play بيحتفظ بسجلات الدفع بتاعته حسب سياسة جوجل، ودي مش في إيدينا.
مسح البيانات مش بيلغي الاشتراك. الاشتراك بيتلغي من Google Play.

10. الأطفال

بونو مش موجّه للأطفال أقل من 13 سنة.

11. التغييرات

لو غيّرنا السياسة دي، هنحدّث التاريخ اللي فوق. ولو التغيير مهم، هنقولك جوه الأبلكيشن.

12. للتواصل

المطوّر: Ahmed Magdy
الإيميل: ponoapp.support@gmail.com

"الشكاوى والمقترحات" جوه بونو بيفتحلك إيميل جاهز في تطبيق الإيميل بتاعك، وإنت اللي بتبعته. لو بعتّ، بيوصلنا إيميلك واللي كتبته، ورقم نسخة بونو لو سبته. بنستخدمهم بس عشان نرد عليك ونصلّح، ومش بنشاركهم مع حد.

Pono Privacy Policy

Last updated: November 10, 2026

Pono helps you keep your income, savings, obligations and documents in one place, reminds you of what's due, and helps with your sums. Pono does not collect your data. This page explains exactly what happens to every piece of information.

1. Your data stays on your phone

Everything you enter in Pono, such as income, savings, obligations, installments, transactions, your name and the prices you type, is stored on your phone only, in the app's private files.
There is no account and no sign-in. We never ask for your email or phone number. For mobile wallets (Vodafone Cash and others) we keep only the balance, never the phone number or the PIN.
Analytics and Pono says are sums about your own money, such as where it went, notes and tips, worked out on your phone from what is on it. They are not sent anywhere and do not track how you use the app.
We, the people behind Pono, cannot see any of your data, because it never reaches us.

2. My documents

Your document photos, scans and the numbers you type with them, such as your national ID or passport number, are stored on your phone only.
They are not included in any automatic backup, and they leave the phone only when you tap "Send the document" and choose the app to send it with, such as WhatsApp or email.
My documents opens with your phone's own lock: fingerprint, face, or PIN. Pono only learns whether unlocking succeeded; it never sees your fingerprint or PIN.
You can link a document to something in Pono, such as a rent contract, an installment receipt or a cheque copy. The link is recorded on your phone only, and the document stays in My documents behind the same lock.
Scanning uses Google's ML Kit Document Scanner on your phone. The images are not uploaded to Google or to us. Google services on the phone may send Google general statistics about the scanner's use, without the images.

3. Backups

Android backup: Android backs up Pono's data (without the documents) to your own Google Drive, so it comes back if you change phones. Since Android 9 this backup is encrypted with your phone's lock. You can turn it off in your phone's settings.
Manual backup: if you make a backup from Services, Pono creates a file and you choose where to keep it. We never receive it.

4. Subscription

Subscriptions and payments go through Google Play. Google holds your payment details; we never see them.
We use RevenueCat to know whether a subscription is active. RevenueCat knows your phone by a random ID, not your name or email, along with the subscription history (date, plan and price) and general device and app-version information. It receives none of your data inside Pono. RevenueCat's privacy policy
We see the number of subscribers and the revenue, without knowing who they are.

5. Exchange rates and gold

Pono gets exchange rates and gold prices from Pono's server. The request carries no information about you, and the server gives everyone the same prices.
Our server fetches the prices from their sources (ExchangeRate-API and Gold-API), so your phone never contacts them.
As with any website, the Google Cloud network hosting the server may see the IP address of a request. We do not log or use it.
Pono shows no stock prices. The "See the closing price" link opens the Egyptian Exchange website in your browser, which is governed by the Exchange's own policy.

6. The Pay button and payment apps

When you tap "Pay" on an obligation, Pono copies the customer number or the amount to your phone's clipboard and opens the payment app you chose, such as InstaPay, Fawry or your bank's app. You pay inside that app. Pono never pays, never types anything there, and sends it no data.
To show you the payment apps you have to choose from, and to know whether to open the app or its Google Play page, Android lets Pono see whether the payment apps on its list, and only those, are installed on your phone. This is not recorded and never leaves the phone. The app you choose is kept with the obligation on your phone.
When you come back, Pono asks "Did you pay?" and how, and your answer is saved on your phone only.

7. Permissions Pono asks for

Internet: for prices and the subscription.
Notifications: to remind you of installments, loans, bills, cheques, card payments, certificates and documents ending, and income coming in, and for Pono's notes and the week's summary. Your phone makes all of them itself from what is on it, with no server, and each kind has its switch in My info.
Vibration: a light vibration when you tap; you can turn it off in My info.
Biometrics: to lock My documents.
Pono does not ask for the camera (scanning goes through Google services), photos and files, location, contacts, or the microphone.

8. No ads, no tracking

Pono has no ads, no usage analytics, and no crash reporting that sends data. We do not sell or share any data with anyone. (The Analytics card inside Pono is sums about your money on your phone, not statistics about how you use it.)

9. Deleting your data

Pono's data on your phone: you delete it yourself; there is nothing to request.

Open Pono → Services → Clear everything → confirm twice. Everything in Pono is erased: income, savings, obligations, transactions, your name, your documents and their reminders.
Or uninstall the app, and Android deletes all its files.
The backup Android made on your own Google Drive (without the documents) can be deleted in Google Drive → Backups, or in your Google account settings.

The subscription record at RevenueCat: this is the only thing outside your phone: a random device ID and the subscription's date, plan and price, without your name or email. To have it deleted:

Email ponoapp.support@gmail.com with the subject "Delete my Pono data".
Include the order number from your Google Play receipt (it starts with GPA.), so we can find the record without knowing who you are.
We delete the record within 30 days and reply to you.

Google Play keeps its own payment records under Google's policy, which is outside our control.
Deleting your data does not cancel your subscription; cancel it in Google Play.

10. Children

Pono is not directed to children under 13.

11. Changes

If we change this policy, we will update the date above, and tell you inside the app if the change matters.

12. Contact

Developer: Ahmed Magdy
Email: ponoapp.support@gmail.com

"Complaints and suggestions" in Pono opens an email ready in your own email app, and you send it. If you do, we receive your email address, what you wrote and, if you leave it on, Pono's version number. We use them only to reply and fix things, and share them with no one.